Nur jaron post Vestiĝoj venas jam ĝia gefrata albumeto Ruinoj, kiu konsistas el ses originalaj akustikaj pecoj, komponitaj kaj verkitaj de Martin.
Por tiuj kiuj konas la muzikon de Martin ĉefe de liaj akustikaj koncertoj, la stilo de ĉi tiu albumeto certe estas bone rekonebla. Kiel ĉiam, temas pri melankolie melodia muziko kun profundaj emocioj kaj lerte verkitaj tekstoj kiuj respegulas la etoson de la muziko.

Tekstoj kaj muzikoj: Martin Wiese
Dua harmonio en Ekrano komponita de Siru Laine

Martin & la talpoj en ĉi tiu albumeto estas:
Martin: ĉefa kaj harmoniaj voĉoj, akustikaj gitaroj, elektra basgitaro (Ekrano, La lasta somero), mandolino (La lasta somero), oktavmandolino (Ruinoj), samplita piano (Ruinoj), perkutiloj
Siru Laine: harmonia kantado (Ekrano)
Inez Wiese: harmonia kantado (Senkondiĉa amo, Se nur)
Anders Grop: kontrabaso (Se nur)
Lukas Thiel: elektra basgitaro (Senkondiĉa amo)

Registrita kaj miksita de Martin en sia dormĉambro en Stokholmo. La voĉo de Siru, kontrabaso de Anders, kaj basgitaro de Lukas estis registritaj ĉe ili, de ili mem.

Mastrigita de Triboulet en Studio de la Trappe, Donneville, Okcitanio/Francio.

La kovrilarton faris Martin.